ربت: بلیدہ کے پہاڑی علاقے سے پکنک پر گئے 4 افراد کی لاشیں برآمد
تربت ، بلوچستان کے شہر تربت کے نواحی علاقے بلیدہ سے 4 افراد کی لاشیں برآمد ہوئی ہیں۔ ضلعی انتظامیہ کے مطابق یہ لاشیں بلیدہ کے پہاڑی علاقے جاڑین سے ملی ہیں اور قانونی کارروائی کے لیے اسپتال منتقل کر دی گئی ہیں۔
چاروں نوجوان مقامی رہائشی بتائے جاتے ہیں جو پانچ روز قبل قریبی پہاڑی علاقے میں پکنک منانے گئے تھے اور اس کے بعد لاپتہ ہو گئے تھے۔ ان کی تلاش کے لیے پولیس اور مقامی افراد نے کوششیں جاری رکھی تھیں۔
ضلعی انتظامیہ اور متعلقہ حکام نے واقعے کی مزید تحقیقات کا آغاز کر دیا ہے تاکہ حادثے کی اصل وجوہات معلوم کی جا سکیں۔
