10700 افغان مہاجرین واپس افغانستان روانہ،پاکستان سے افغان مہاجرین کی وطن واپسی کا سلسلہ جاری ہے۔
ذرائع کے مطابق، چمن بارڈر سے ایک روز میں 10,700 افغان مہاجرین کو افغانستان واپس بھیج دیا گیا۔
ذرائع کا کہنا ہے کہ افغان مہاجرین کی واپسی اب طورخم سرحد سے بھی شروع کر دی گئی ہے۔ اب تک تقریباً 1,560,000 افغان مہاجرین اپنی وطن واپسی کر چکے ہیں۔ افغان مہاجرین کی واپسی قانونی طریقہ کار کے تحت کی جا رہی ہے، اور ہر شخص کے دستاویزات کی تصدیق کے بعد ہی سرحد عبور کرنے کی اجازت دی جا رہی ہے۔
مزید بتایا گیا کہ ایف سی اور سول انتظامیہ نے افغان مہاجرین کے لیے رہائش، کھانے اور دیگر ضروری سہولیات کا انتظام بھی کیا ہے تاکہ واپسی کا عمل بغیر کسی دشواری کے مکمل ہو سکے۔
