پیپلزپارٹی ایک جمہوری اور عوامی قوت ہے،بلاول

میڈیا سے گفتگو میں بلاول بھٹو زرداری نے کہا کہ آج پیپلزپارٹی آزاد کشمیر کی پارلیمانی پارٹی کا اجلاس ہوا، ہماری جماعت نے ہمیشہ کشمیر کاز کا مقدمہ بھرپور انداز میں لڑا ہے۔

انہوں نے کہا کہ غیر سیاسی سازشوں کے باعث کشمیر میں سیاسی خلا پیدا کیا گیا، لیکن پیپلزپارٹی ہی وہ جماعت ہے جو کشمیری عوام کی اصل نمائندگی کر سکتی ہے۔

بلاول بھٹو زرداری نے کہا کہ پیپلزپارٹی ایک جمہوری اور عوامی قوت ہے، آزاد کشمیر میں حکومت سازی کے قریب ہیں، اور میں کشمیری عوام سے وعدہ کرتا ہوں کہ کبھی انہیں مایوس نہیں کروں گا۔