وزیراعظم نےاپنی نشست خالی کرکے بلوچستان کی طالبہ کو بٹھادیا
وزیراعظم شہباز شریف نے بلوچستان کی طالبہ درجان بی بی کی خواہش پر اپنی نشست خالی کرتے ہوئے انہیں اپنی نشست پر بٹھا دیا۔
تقریب یوتھ لیپ ٹاپ اسکیم میں لیپ ٹاپ حاصل کرنے والے طلبا و طالبات نے ملک کا نام روشن کرنے کا عزم ظاہر کیا۔ اسلام آباد میں منعقدہ تقریب میں وزیراعظم نے بھی شرکت کی، جہاں میرٹ پر لیپ ٹاپ حاصل کرنے والے طلبا و طالبات نے لیپ ٹاپ کی تقسیم کے سلسلے کے جاری رہنے کی درخواست کی۔
بلوچستان کے دور دراز علاقوں سے بھی طلبا نے میرٹ پر لیپ ٹاپ وصول کیا۔ بلوچستان کی طالبہ درجان بی بی نے اسٹیج پر اپنے خیالات کا اظہار کیا اور وزیراعظم سے ملاقات کی خواہش ظاہر کی، جس پر وزیراعظم نے فوراً اپنی نشست ان کے لیے خالی کردی۔
