آزاد کشمیر میں حکومت سازی،وزیراعظم کی صدر زرداری سے ملاقات

ذرائع کے مطابق ملاقات ایوان صدر میں ہوئی اور اس میں بلاول بھٹو زرداری، وزیر داخلہ محسن نقوی، راجہ پرویز اشرف، طارق فضل چوہدری، فاروق ایچ نائیک اور شیری رحمان بھی شریک ہوئے۔ وزیراعظم کے سیاسی مشیر رانا ثنااللہ اور وزیر قانون اعظم نذیر تارڑ، جبکہ نائب وزیراعظم اسحاق ڈار ویڈیو لنک کے ذریعے ملاقات میں شامل ہوئے۔

ملاقات میں وزیراعظم نے صدر مملکت کو حالیہ دورہ سعودی عرب کے حوالے سے اعتماد میں لیا اور آزاد کشمیر کی موجودہ سیاسی صورتحال پر تبادلہ خیال کیا۔ ذرائع کے مطابق نئے وزیراعظم آزاد کشمیر کے نام اور حکومت سازی کے حوالے سے بھی گفتگو ہوئی۔

اس کے علاوہ وزیراعظم نے صدر مملکت کو حکومتی اور سیاسی معاملات پر بریفنگ دی اور پاک افغان کشیدگی کے تناظر میں مفصل بات چیت کی گئی۔