ڈیرہ بگٹی:ٹریکٹر ٹرالی الٹنے سے 3 افراد جاں بحق،16 زخمی

ڈیرہ بگٹی میں ایک ٹریکٹر ٹرالی الٹنے سے تین افراد جاں بحق اور سولہ زخمی ہوگئے۔

حادثہ سوئی روڈ پر جن موڑ کے قریب پیش آیا، جہاں تیز رفتار ٹریکٹر ٹرالی بے قابو ہو کر الٹ گئی۔ واقعے میں تین افراد موقع پر ہی دم توڑ گئے جبکہ سولہ افراد زخمی ہوئے۔

حادثے کی اطلاع ملنے کے بعد لیویز اہلکار اور ریسکیو ٹیمیں موقع پر پہنچ گئیں اور جاں بحق افراد کی لاشوں اور زخمیوں کو فوری طور پر ہسپتال منتقل کیا گیا۔

اسسٹنٹ کمشنر محمد حسنین ابڑو اور ایریا انچارج اے ڈی بگٹی لیویز بھی جائے وقوعہ پر پہنچے۔ وزیراعلیٰ بلوچستان میر سرفراز بگٹی نے زخمیوں کو بہترین طبی سہولیات فراہم کرنے کی ہدایت کی۔