چلغوزے کی قیمت میں ریکارڈ کمی،8ہزار روپے فی کلو سستا

ملتان میں سردیوں کے مقبول میوہ چلغوزے کی قیمت میں ریکارڈ کمی دیکھنے میں آئی ہے۔ پچھلے سال 16 ہزار روپے فی کلو فروخت ہونے والا چلغوزہ اب 8 ہزار روپے فی کلو دستیاب ہے۔

دکانداروں کا کہنا ہے کہ اس سال چلغوزے کی فصل وافر ہونے کی وجہ سے قیمتوں میں نصف کمی واقع ہوئی ہے۔

قیمت کم ہونے کے بعد مارکیٹوں میں خوشی کا ماحول ہے اور شہری اب آسانی سے چلغوزہ خرید کر اپنی سردیوں کی محفلوں کا لطف دوبالا کر رہے ہیں۔ ایک شہری نے بتایا کہ پچھلے سال سوچ سمجھ کر خریداری کرتے تھے، جبکہ اس سال کھل کر خرید رہے ہیں۔