کمانڈ اینڈ اسٹاف کانفرنس نیول ہیڈکوارٹرزمیں اختتام پذیر

ایڈمرل نوید اشرف نے کہا کہ پاکستان نیوی ہر قسم کے روایتی اور غیر روایتی چیلنجز سے نمٹنے کے لیے تیار ہے اور علاقائی امن و استحکام میں کلیدی کردار ادا کر رہی ہے۔ نیول چیف کانفرنس میں آپریشنل تیاریوں، جاری منصوبوں اور آئندہ سرگرمیوں کا جائزہ لیا گیا۔

اجلاس میں پاکستان انٹرنیشنل میری ٹائم ایکسپو اینڈ کانفرنس (PIMEC) کی تیاریوں پر بھی غور کیا گیا، جو پاکستان کی سمندری صلاحیتوں کے اظہار اور علاقائی تعاون کے لیے اہم پلیٹ فارم ہے۔

کمانڈ اینڈ اسٹاف کانفرنس پاکستان نیوی کا اعلیٰ فیصلہ ساز فورم ہے، جس میں چیف آف دی نیول سٹاف، پرنسپل اسٹاف افسران اور فیلڈ کمانڈرز نے شرکت کی۔ اجلاس میں اسٹریٹیجک ترجیحات، آپریشنل تیاری اور بحری پالیسیوں کی تشکیل پر مشاورت کی گئی۔