وزیر اعظم آزاد کشمیر کا مستعفیٰ ہونے سے انکار

پیپلز پارٹی نے تاحال قانون ساز اسمبلی میں تحریک عدم اعتماد جمع نہیں کرائی ہے، جبکہ وزارت عظمیٰ کے لیے پارٹی کی جانب سے امیدوار کا اعلان بھی باقی ہے۔ امکان ہے کہ آزاد کشمیر قانون ساز اسمبلی کا اجلاس اگلے 24 گھنٹوں میں کسی بھی وقت طلب کیا جا سکتا ہے، اور اس کے انتظامات مکمل کر لیے گئے ہیں۔

دوسری جانب، پیپلز پارٹی کے رکن اسمبلی حسن ابراہیم نے مسلم لیگ ن کے ساتھ اپوزیشن میں بیٹھنے کا فیصلہ کیا ہے۔

واضح رہے کہ آزاد کشمیر قانون ساز اسمبلی کے 52 ارکان کے ایوان میں تحریک عدم اعتماد کے لیے کم از کم 27 ووٹ درکار ہیں۔ پیپلز پارٹی کے پورے ہونے کا دعویٰ کیا گیا ہے، جبکہ مسلم لیگ کے 9 اور پیپلز پارٹی کے ایک رکن اسمبلی نے اپوزیشن میں بیٹھنے کا فیصلہ کیا ہے۔