مولانا فضل الرحمان سےبلاول بھٹو زرداری کی ملاقات

ذرائع کے مطابق ملاقات میں ملکی سیاسی صورتِ حال، کشمیر میں حکومت سازی کے عمل، افغانستان اور مسئلہ فلسطین پر تفصیلی گفتگو ہوئی۔ بلاول بھٹو زرداری نے مولانا فضل الرحمان کو حالیہ سیاسی حالات پر اعتماد میں لیا جبکہ مولانا نے حکومت سازی سے متعلق مشورے دیے۔

دونوں رہنماؤں نے پارلیمانی اُمور، خصوصاً قومی اسمبلی اور سینیٹ میں ورکنگ ریلیشن شپ بہتر بنانے پر بھی بات چیت کی۔

ملاقات کے دوران مولانا فضل الرحمان نے کہا کہ پارلیمانی جمہوریت میں سب سے اہم کردار پارلیمنٹ کا ہے، جو بدقسمتی سے مؤثر انداز میں ادا نہیں ہورہا۔

بلاول بھٹو زرداری نے مولانا کے افغانستان سے متعلق خدشات اور تجاویز صدرِ مملکت تک پہنچانے کی یقین دہانی کرائی۔