سیاسی بنیاد پر کسی جماعت پر پابندی کی قانون اجازت نہیں دیتا

نجی ٹی وی کے ایک پروگرام میں گفتگو کرتے ہوئے انہوں نے کہا کہ جن افراد پر مقدمات درج ہیں، انہیں عدالتوں میں پیش ہو کر اپنے مقدمات کا سامنا کرنا چاہیے۔

رانا ثناء اللّٰہ کا کہنا تھا کہ جو بات 2021 میں درست تھی، اسی بنیاد پر موجودہ حکومت نے بھی ریفرنس دائر کیا ہے۔ اس وقت بھی حکومت نے ایسی ہی وجوہات پر پابندی لگائی تھی۔

انہوں نے مزید کہا کہ وزیرِ اعلیٰ خیبر پختونخوا بانی پی ٹی آئی سے ملاقات کے لیے آئے لیکن دیر سے پہنچنے کی وجہ سے ملاقات نہ ہو سکی۔ اگر وہ وقت پر آئیں تو ملاقات ممکن ہے۔

ان کے مطابق جیل میں ملاقات کا وقت دوپہر 2 سے شام 5 بجے تک ہوتا ہے، لیکن وہ 5 بجے کے بعد پہنچے۔ رانا ثناء اللّٰہ نے کہا کہ وہ چاہیں تو عوامی رابطہ مہم جاری رکھیں، جلسے کریں، لیکن پھر 6 ماہ یا ایک سال بعد واپس آئیں۔