اسلام آباد پولیس کے ایس پی عدیل اکبر کی مبینہ خودکشی

پولیس ذرائع کے مطابق ایس پی عدیل اکبر نے سرینہ چوک کے قریب اپنے گن مین سے پستول چھین کر خود کو گولی ماری، جس کے نتیجے میں وہ شدید زخمی ہو گئے۔ انہیں فوری طور پر پمز اسپتال منتقل کیا گیا، لیکن وہ جانبر نہ ہو سکے۔

پولیس حکام نے واقعے کی تحقیقات شروع کر دی ہیں۔ جائے وقوعہ سے شواہد اکٹھے کر لیے گئے ہیں جبکہ ایس پی عدیل اکبر کے گن مین اور موقع پر موجود دیگر اہلکاروں کو حراست میں لیا گیا ہے۔

ذرائع کے مطابق ایس پی عدیل اکبر نے ایک فون کال سننے کے بعد خودکشی کی۔ تحقیقات جاری ہیں کہ آخری کال کس کی آئی تھی اور ایس پی کے موبائل فون کا ڈیٹا بھی حاصل کیا جا رہا ہے۔

یہ واقعہ اسلام آباد پولیس کے لیے ایک تشویشناک اور سنگین معاملہ ہے، اور اعلیٰ سطح پر تحقیقات جاری ہیں۔