جمادی الاول کا چاند نظر آ گیا

اسلام آباد: ملک بھر میں جمادی الاول 1447 ہجری کا چاند نظر آ گیا ہے۔ مرکزی رویتِ ہلال کمیٹی کے چیئرمین مولانا عبدالخبیر آزاد کی زیر صدارت اجلاس کے بعد باقاعدہ اعلان کیا گیا۔

وزارتِ مذہبی امور کی جانب سے جاری نوٹیفکیشن کے مطابق پاکستان میں یکم جمادی الاول 24 اکتوبر بروز جمعہ کو ہوگی۔

اس سے قبل اسپارکو نے بتایا تھا کہ جمادی الاول 1447 ہجری کا نیا چاند 21 اکتوبر کی شام 5 بج کر 25 منٹ پر طلوع ہوا۔ فلکیاتی اندازوں کے مطابق 23 اکتوبر کی شام چاند کی عمر تقریباً 49 گھنٹے ہوگی اور ملک کے بیشتر حصوں، خصوصاً ساحلی علاقوں میں، چاند واضح طور پر نظر آنے کے امکانات بہت زیادہ تھے۔

یوں پاکستان میں چاند کی رویت کی تصدیق کے بعد قمری مہینے جمادی الاول کا آغاز 24 اکتوبر 2025 سے ہوگا۔