پاک یو اے ای کے درمیان فرسٹ ویمن بینک کی نجکاری کا معاہدہ

تقریب میں وزیراعظم شہباز شریف نے خصوصی شرکت کی، جبکہ معاہدے پر حکومتِ پاکستان اور یو اے ای کی معروف انٹرنیشنل ہولڈنگ کمپنی (IHC) کے نمائندوں نے دستخط کیے۔

وزیراعظم شہباز شریف نے اس موقع پر کہا کہ یہ معاہدہ پاکستان کی معیشت کے استحکام اور نجی شعبے میں سرمایہ کاری کے فروغ کے لیے اہم قدم ہے۔ انہوں نے کہا کہ اس شراکت داری سے خواتین کو مالیاتی شعبے میں نئے مواقع میسر آئیں گے۔

وزیراعظم نے شیخ محمد زید بن ہمدان بن زاید النہیان کے لیے نیک خواہشات کا اظہار کرتے ہوئے کہا کہ وہ ہمیشہ پاکستان کے مخلص دوست رہے ہیں، اور دونوں ممالک کے تعلقات مزید مضبوط ہوں گے۔

ان کا کہنا تھا کہ پاکستان اور یو اے ای کے درمیان معاشی تعلقات میں مسلسل اضافہ ہو رہا ہے اور ایسے منصوبے دونوں ممالک کے عوام کے لیے فائدہ مند ثابت ہوں گے۔