ٹی ایل پی کے خلاف سائبر کرائم ایجنسی کا بڑا آپریشن شروع

نیشنل سائبر کرائم انویسٹی گیشن ایجنسی (NCCIA) نے ریاست مخالف پراپیگنڈہ پھیلانے کے الزام میں تحریک لبیک پاکستان (ٹی ایل پی) کے خلاف بڑا آپریشن شروع کر دیا ہے۔

ایجنسی کے مطابق سوشل میڈیا پر ریاست مخالف مواد کے پھیلاؤ میں ملوث 19 افراد کو گرفتار کیا گیا، جن میں سے 16 ملزمان کو گوجرانوالہ سرکل سے حراست میں لیا گیا جبکہ 3 افراد بیرونِ ملک سے یہ مہم چلا رہے تھے۔

یہ بھی پڑھیں:۔  پاکستان اورافغان طالبان کےدرمیان جنگ بندی میں توسیع پراتفاق

ملزمان کی گرفتاری کے لیے مختلف شہروں میں مجموعی طور پر 21 چھاپے مارے گئے، جب کہ ٹی ایل پی سے وابستہ افراد کے خلاف 20 انکوائریاں بھی شروع کر دی گئی ہیں۔

ترجمان کے مطابق ملتان میں 10، لاہور میں 6، راولپنڈی اور کراچی میں 2، جبکہ حیدرآباد میں ایک کارروائی کی گئی۔ سائبر ٹیموں کی جانب سے مزید گرفتاریوں کے لیے آپریشن جاری ہے۔