پاکستان نے جنوبی افریقہ کو 93 رنز سے شکست دےدی

میچ کے چوتھے روز جنوبی افریقہ کی جانب سے ٹونی ڈی زورزی 16 اور ریان ریکلٹن 29 رنز کے ساتھ اننگز آگے بڑھانے کی کوشش کر رہے تھے۔ تاہم ڈی زورزی شاہین شاہ آفریدی کی گیند پر ایل بی ڈبلیو ہو گئے اور نئے آنے والے بلے باز ٹرسٹن سٹبس 2 رنز بنا کر نعمان علی کے ہاتھوں کیچ آؤٹ ہو گئے۔

73 رنز کی پارٹنرشپ نے جنوبی افریقہ کی جیت کی کچھ امیدیں پیدا کیں، لیکن ڈیوالڈ بریوس 54 رنز پر بولڈ ہو گئے اور ریان ریکلٹن 45 رنز بنا کر پویلین لوٹ گئے۔ کھانے کے وقفے کے بعد وکٹیں مسلسل گرنے لگیں اور مہمان ٹیم 183 رنز پر ڈھیر ہو گئی۔

پاکستان کی جانب سے نعمان علی اور شاہین شاہ آفریدی نے 4،4 وکٹیں حاصل کیں جبکہ ساجد خان نے 2 کھلاڑی آؤٹ کیے۔ نعمان علی نے مجموعی طور پر میچ میں 10 شکار کر کے ٹیم کی جیت میں اہم کردار ادا کیا۔