پولیس نے واقعے کے بعد مذہبی جماعت کے سربراہ سعد حسین رضوی، ان کے بھائی انس رضوی اور دیگر رہنماؤں کے خلاف انسدادِ دہشتگردی ایکٹ کے تحت مقدمہ درج کر لیا ہے۔

ایف آئی آر پولیس کی مدعیت میں مریدکے سٹی تھانے میں درج کی گئی ہے، جس میں الزام عائد کیا گیا ہے کہ سعد رضوی نے اسٹیج سے پولیس پر فائرنگ کی جس کے نتیجے میں ایس ایچ او فیکٹری ایریا شدید زخمی ہوئے اور اسپتال میں دورانِ علاج جاں بحق ہوگئے۔

ایف آئی آر کے مطابق انس رضوی نے بھی فائرنگ کی جس سے مزید پولیس اہلکار زخمی ہوئے۔
مقدمے میں قتل (302)، اقدامِ قتل، ہجوم کو اکسانے، اسلحہ کی نمائش اور دہشتگردی ایکٹ کی دفعات شامل کی گئی ہیں۔

پولیس کا کہنا ہے کہ واقعے کی تفتیش شروع کر دی گئی ہے جبکہ علاقے میں سیکیورٹی سخت کر دی گئی ہے۔