پی ٹی آئی کا گنڈا پور کے خلاف تحریکِ عدم اعتماد پر غور

اسپیکر ہاؤس میں ہونے والے مشاورتی اجلاس میں اسپیکر بابر سلیم سواتی، نامزد وزیراعلیٰ سہیل آفریدی، سابق اسپیکر اسد قیصر، صوبائی صدر جنید اکبر اور دیگر رہنما شریک ہوئے۔ اجلاس میں تجویز دی گئی کہ اگر معاملہ حل نہ ہوا تو قرارداد پر دستخط لے کر تحریکِ عدم اعتماد پیش کی جائے۔

ذرائع کے مطابق گورنر کو علی امین گنڈا پور کا استعفیٰ دوبارہ بھجوانے کی تجویز بھی زیرِ غور ہے۔ یاد رہے کہ علی امین گنڈا پور نے 8 اکتوبر کو استعفیٰ دیا تھا، تاہم گورنر فیصل کریم کنڈی کے مطابق استعفیٰ تاحال باضابطہ طور پر موصول نہیں ہوا۔