کہوٹہ کے گاؤں نوگراں میں فائرنگ،3 افراد جاں بحق
کہوٹہ — تحصیل کہوٹہ کے نواحی گاؤں نوگراں میں فائرنگ کے ایک افسوسناک واقعے میں 3 افراد جان کی بازی ہار گئے جبکہ ایک شخص زخمی ہو گیا۔
پولیس ذرائع کے مطابق فائرنگ کے بعد ملزمان موقع سے فرار ہونے میں کامیاب ہو گئے۔ واقعے کی اطلاع ملتے ہی پولیس اور امدادی ٹیمیں موقع پر پہنچ گئیں اور زخمی شخص کو اسپتال منتقل کر دیا گیا۔
پولیس نے علاقے کو گھیرے میں لے کر شواہد اکٹھے کرنے شروع کر دیے ہیں جبکہ فائرنگ کے محرکات جاننے کے لیے تحقیقات جاری ہیں۔
