اسرائیلی فوج کا غزہ سے انخلا کا پہلا مرحلہ مکمل

امریکی ایلچی وٹکوف کے مطابق، اسرائیلی فوج کے انخلا کے پہلے مرحلے کی تکمیل کے ساتھ ہی یرغمالیوں کی رہائی کے لیے 72 گھنٹوں کی مدت شروع ہو گئی ہے۔

غزہ میں موجود اسرائیلی فوجیوں نے اپنا ساز و سامان سمیٹنا شروع کر دیا ہے جبکہ ترجمان اسرائیلی فوج ایفی ڈیفرین نے فلسطینیوں کو خبردار کیا ہے کہ وہ ان علاقوں میں داخل ہونے سے گریز کریں جو تاحال اسرائیلی فوج کے کنٹرول میں ہیں۔

ترجمان نے مزید کہا کہ فریقین کو معاہدے پر قائم رہنا چاہیے تاکہ شہریوں کی حفاظت یقینی بنائی جا سکے۔ ان کے مطابق “حماس اب دو سال پہلے والی تنظیم نہیں رہی، حالات بدل چکے ہیں۔”