پاکستان میں سُپر مون کا شاندار نظارہ -پاکستان میں آج رواں سال کے پہلے سُپر مون کا دلکش نظارہ کیا جا رہا ہے۔ رواں ماہ کے دوران پاکستان میں چاند کے دو منفرد نظارے دیکھنے کو ملے، جن میں 8 ستمبر کو بلڈ مون اور آج سُپر مون شامل ہیں۔
سپارکو کے ترجمان کے مطابق، سُپر مون عام چاند کے مقابلے میں 6.6 فیصد بڑا اور 13 فیصد زیادہ روشن دکھائی دے گا۔ ماہرین فلکیات کے مطابق، سُپر مون اُس وقت ظاہر ہوتا ہے جب چاند زمین کے قریب ترین فاصلے پر اپنی مدار میں ہوتا ہے، جس کی وجہ سے یہ نمایاں طور پر بڑا اور روشن لگتا ہے۔
سال کا سب سے روشن سُپر مون 5 نومبر کو متوقع ہے جبکہ تیسرا سُپر مون 5 دسمبر کو ہوگا۔
