دل کےاسپتال میں غفلت کاانوکھاواقعہ،سکیورٹی گارڈ بن گیاڈاکٹر

تفصیلات کے مطابق سردار فتح محمد خان بزدار انسٹیٹیوٹ آف کارڈیالوجی کے ایمرجنسی وارڈ میں ایک مریض کو سینے میں تکلیف کے باعث لایا گیا، جہاں مبینہ طور پر ایک سکیورٹی گارڈ نے مریض کا چیک اپ کیا اور ای سی جی بھی کی۔

ویڈیو وائرل ہونے کے بعد ڈپٹی کمشنر ڈیرہ غازی خان نے واقعے کا نوٹس لیتے ہوئے ایڈیشنل ایم ایس کارڈیالوجی کی سربراہی میں تین رکنی انکوائری کمیٹی تشکیل دے دی ہے۔

حکام کے مطابق کمیٹی کی رپورٹ کی بنیاد پر ذمہ دار افراد کے خلاف کارروائی عمل میں لائی جائے گی۔