راولپنڈی کی مری روڈ اب سرسبز،جدید اور خوبصورت

سیکستھ روڈ کے پل کے نیچے نوجوانوں کے لیے جدید ٹینس کورٹ بنایا گیا ہے اور اطراف کے راستوں کو پودوں اور پھولوں سے سجایا گیا ہے۔ سیکستھ اور سیونتھ روڈ پر شہریوں کے لیے آرام دہ انتظار گاہیں بھی قائم کی گئی ہیں۔ چاندنی چوک میں تاریخی کلاک ٹاور کی اپ گریڈیشن مکمل کر دی گئی، جو علاقے کی خوبصورتی میں اضافہ کر رہی ہے۔

مری روڈ اور میٹرو روٹ کے دونوں اطراف پھولوں کی کیاریاں بنائی گئی ہیں اور میٹرو پل کے ستون بیلوں اور پھولوں سے ڈھانپ دیے گئے ہیں۔ سڑک اب نہ صرف شہریوں کے لیے خوشگوار منظر پیش کرتی ہے بلکہ ماحولیات کے لیے بھی مثبت قدم ہے۔ رات کے وقت روشنیوں سے جگمگاتی مری روڈ شہریوں اور مسافروں کے لیے دلکشی کا باعث بنتی ہے۔

وزیراعلیٰ مریم نواز شریف نے منصوبے کی تکمیل پر متعلقہ اداروں کو شاباش دی اور اہلیان راولپنڈی کو مبارکباد پیش کی۔ انہوں نے کہا کہ پنجاب کے ہر شہر کو جدید، صاف، سرسبز اور مثالی سہولیات سے آراستہ بنایا جائے گا۔