ڈی آئی خان،سیکیورٹی فورسز کاآپریشن،13 دہشت گرد جہنم واصل

ڈی آئی خان میں سیکیورٹی فورسز نے ایک کارروائی میں 13 بھارتی حمایت یافتہ دہشتگرد ہلاک کر دیے۔ پاک فوج کے شعبہ تعلقات عامہ (آئی ایس پی آر) کے مطابق یہ آپریشن خوارج گروہ "فتنہ الخوارج” کی موجودگی کی اطلاع پر کیا گیا۔

ہلاک دہشتگردوں کے قبضے سے اسلحہ اور گولہ بارود بھی برآمد ہوا۔ آئی ایس پی آر کے مطابق یہ دہشتگرد علاقے میں مختلف جرائم میں ملوث تھے، جن میں دسمبر 2023 میں درابن خودکش دھماکے کی سہولت کاری بھی شامل ہے۔

پاک فوج کا کہنا ہے کہ یہ دہشتگرد سرکاری افسران اور عام شہریوں کے اغواء اور ٹارگٹ کلنگ میں بھی ملوث تھے۔ علاقے میں باقی خوارج کو ختم کرنے کے لیے کلیئرنس آپریشن جاری ہے۔ پاک فوج ملک سے دہشت گردی کے ناسور کو جڑ سے اکھاڑ پھینکنے کے لیے پرعزم ہے۔