پاکستان نے سری لنکا کو 5 وکٹ سے ہرا دیا

ابوظبی میں ایشیا کپ ٹی20 کے سپر 4 مرحلے کے میچ میں پاکستان نے سری لنکا کو 5 وکٹوں سے ہرا کر 2 اہم پوائنٹس حاصل کر لیے۔ پاکستان نے سری لنکا کا 134 رنز کا ہدف 18 اوورز میں حاصل کیا۔

یہ بھی پڑھیں:۔ پاک بھارت مقابلہ،بھارتی کپتان کا ڈریسنگ روم میں اہم پیغام

پاکستانی کپتان سلمان علی آغا نے ٹاس جیت کر سری لنکا کو پہلے بیٹنگ کی دعوت دی۔ پاکستان نے اپنی ٹیم میں کوئی تبدیلی نہیں کی اور بھارت کے خلاف کھیلنے والے کھلاڑی ہی پلیئنگ الیون میں شامل رہے۔

سری لنکا نے مقررہ 20 اوورز میں 8 وکٹوں کے نقصان پر 133 رنز بنائے، جس میں کامندو مینڈس نے 50 رنز کی نمایاں اننگز کھیلی۔