مستونگ کارروائی،4 بھارتی حمایت یافتہ دہشت گرد ہلاک

راولپنڈی: پاک فوج کے شعبہ تعلقات عامہ (آئی ایس پی آر) نے بتایا ہے کہ سیکیورٹی فورسز نے مستونگ میں خفیہ اطلاع پر کارروائی کرتے ہوئے چار دہشت گرد ہلاک کر دیے۔

آئی ایس پی آر کے مطابق کارروائی اس اطلاع پر کی گئی کہ بھارتی سرپرستی یافتہ پراکسی تنظیم "فتنہ الہندوستان” کے عناصر اس علاقے میں موجود تھے۔ فوجی اہلکاروں نے دہشت گردوں کے ٹھکانے کو موثر انداز میں نشانہ بنایا اور وہاں سے بڑی مقدار میں اسلحہ، گولہ بارود اور دھماکا خیز مواد ضبط کیا گیا۔

آئی ایس پی آر کا کہنا ہے کہ سیکیورٹی فورسز دہشت گردی کے اس ناسور کو جڑ سے اکھاڑ پھینکنے کے لیے پرعزم ہیں اور مجرموں کو لازمی کیفر کردار تک پہنچایا جائے گا۔