ایشیا کپ: پاکستان کا عمان کے خلاف ٹاس جیت کر بیٹنگ کا فیصلہ

دبئی: ٹی20 ایشیا کپ کے چوتھے میچ میں پاکستان نے عمان کے خلاف ٹاس جیت کر پہلے بیٹنگ کا انتخاب کیا ہے۔

یہ دونوں ٹیموں کا ایونٹ میں پہلا میچ ہے۔ قومی کپتان سلمان علی آغا نے ٹاس کے موقع پر کہا کہ وکٹ رنز بنانے کے لیے موزوں ہے اور اسی وجہ سے پہلے بیٹنگ کا فیصلہ کیا گیا ہے۔

انہوں نے مزید بتایا کہ حتمی الیون میں اسپنرز اور آل راؤنڈرز کو شامل کیا گیا ہے، تاکہ اگلے اہم مقابلے کی تیاری بہتر طریقے سے ہو سکے۔

پاکستان کے لیے یہ میچ بھارت کے خلاف آنے والے بڑے میچ سے قبل اہم وارم اپ تصور کیا جا رہا ہے۔