رانا ثنا اللہ کی بطور سینیٹر کامیابی کا نوٹیفکیشن جاری

رانا ثنا اللہ کی بطور سینیٹر کامیابی کا نوٹیفکیشن جاری

الیکشن کمیشن آف پاکستان نے رانا ثنا اللہ کی بطور سینیٹر کامیابی کا نوٹیفکیشن جاری کر دیا۔الیکشن کمیشن کے مطابق وزیراعظم شہباز شریف کے مشیر برائے سیاسی امور رانا ثنا اللہ پنجاب سے جنرل سیٹ پر سینیٹر منتخب ہوئے تھے۔نوٹیفکیشن لاہور ہائیکورٹ میں زیر التوا مقدمہ کے فیصلہ سے مشروط کر کے جاری کیا گیا۔یاد رہے کہ پنجاب اسمبلی میں پی ٹی آئی سینیٹر اعجاز چودھری کی نااہلی سے خالی ہونے والی نشست پر ضمنی الیکشن کیلئے گزشتہ روز پولنگ ہوئی تھی۔واضح رہے کہ پاکستان تحریک انصاف نے ضمنی الیکشن کا بائیکاٹ کیا لیکن نام واپس نہ لینے کے باعث بیلٹ پیپر پر ن لیگ کے رانا ثنا اللہ اور پی ٹی آئی کی سلمیٰ اعجاز کا نام موجود تھا۔