وزیرِاعظم کاامیرِ قطر سےاظہارِ یکجہتی،اسرائیلی حملے کی مذمت

سرکاری اعلامیے کے مطابق وزیرِ اعظم نے حملے میں ہونے والے جانی و مالی نقصان پر دکھ اور افسوس کا اظہار کیا اور قطر کی قیادت، شاہی خاندان اور عوام کے ساتھ مکمل یکجہتی کا پیغام دیا۔

وزیرِ اعظم نے کہا کہ اسرائیل کی جارحیت خطے کے امن و استحکام کے لیے بڑا خطرہ ہے، پاکستان قطر کے ساتھ مضبوطی سے کھڑا ہے۔

اعلامیے میں مزید بتایا گیا کہ امیرِ قطر نے اظہارِ ہمدردی اور یکجہتی پر وزیرِ اعظم پاکستان کا شکریہ ادا کیا۔ دونوں رہنماؤں نے خطے میں امن اور سلامتی کے لیے رابطے جاری رکھنے پر اتفاق کیا۔