عمران خان کی فیملی کو مکمل سیکیورٹی دی جائے، بیرسٹر گوہر

بونیر میں میڈیا سے گفتگو کرتے ہوئے انہوں نے علیمہ خان پر اڈیالہ جیل کے باہر انڈا پھینکنے کے واقعے کی شدید مذمت کی اور کہا کہ یہ افسوسناک اور قابلِ مذمت عمل ہے، جس سے سیاسی تناؤ مزید بڑھے گا۔

انہوں نے کہا کہ اس وقت ملک میں سیلاب سے لاکھوں لوگ متاثر ہیں اور ہزاروں دیہات زیرِ آب آچکے ہیں، لہٰذا سیاست کے بجائے انسانیت کی خدمت کو ترجیح دی جانی چاہیے۔

واضح رہے کہ گزشتہ روز اڈیالہ جیل کے باہر علیمہ خان میڈیا سے گفتگو کر رہی تھیں جب دو لڑکیوں نے ان پر انڈا پھینکا۔ پولیس نے دونوں لڑکیوں کو فوری طور پر حراست میں لے کر اڈیالہ چوکی منتقل کر دیا۔