اڈیالہ جیل کے باہر علیمہ خان کو انڈا مار دیا گیا
پی ٹی آئی کے بانی کی بہن علیمہ خان کو اڈیالہ جیل کے باہر میڈیا سے گفتگو کے دوران 2 لڑکیوں نے انڈا مار دیا۔ پولیس نے دونوں لڑکیوں کو فوری طور پر حراست میں لے کر اڈیالہ چوکی منتقل کر دیا۔
واقعے کے وقت شور شرابا بھی ہوا، تاہم علیمہ خان نے کہا کہ ہمیں اس طرح کے حملوں کی فکر نہیں، ہم جانتے ہیں یہ سب ہوگا۔
پولیس ترجمان کے مطابق خیبرپختونخوا سے آل گورنمنٹ ایمپلائز گرینڈ الائنس اور ایپکا کے افراد احتجاج کے لیے آئے تھے۔ خواتین کے سوالات کا جواب نہ ملنے پر انڈا پھینکنے کا واقعہ پیش آیا۔
