جنرل ساحر شمشاد مرزا کی ترک وکٹری ڈے تقریب میں شرکت

چیئرمین جوائنٹ چیفس آف اسٹاف کمیٹی جنرل ساحر شمشاد مرزا نے ترکیہ کی مسلح افواج کے یومِ فتح کی تقریب میں بطور مہمانِ خصوصی شرکت کی۔

آئی ایس پی آر کے مطابق اس تقریب میں سول و عسکری حکام، کاروباری شخصیات، سفارت کار اور سول سوسائٹی کے نمائندے شریک ہوئے۔ جنرل ساحر شمشاد مرزا نے ترک عوام، قیادت اور مسلح افواج کو مبارکباد پیش کرتے ہوئے کہا کہ پاکستان اور ترکیہ کے تعلقات باہمی اعتماد، مشترکہ اقدار اور اسٹریٹجک شراکت داری کی بنیاد پر مزید مضبوط ہوں گے۔

انہوں نے اپنے خطاب میں دونوں ممالک کے دیرینہ اور برادرانہ تعلقات کو اجاگر کیا۔ تقریب میں آمد پر ترک سفارتخانے کے ناظم الامور نے چیئرمین جوائنٹ چیفس آف اسٹاف کمیٹی کا استقبال کیا۔