پاکستان موسمیاتی تبدیلیوں کے نشانے پر ہے،بلاول بھٹو
پاکستان پیپلز پارٹی کے چیئرمین بلاول بھٹو زرداری نے خبردار کرتے ہوئے کہا کہپاکستان موسمیاتی تبدیلیوں کے نشانے پر ہے۔بلاول بھٹو زرداری نے بیان میں کہا کہ ہمیں ہر طرح کے حالات کے لیے تیار رہنا ہوگا، پاکستان موسمیاتی تبدیلیوں کے نشانے پر ہے، ہمیں مستقبل کا ہر منصوبہ ماحولیاتی صورت حال کو سامنے رکھ کر بنانا ہوگا۔ پی پی پی چیئرمین نے کہا کہ یہی وقت ہے قوم ہر قسم کی تقسیم بالائے طاق رکھ کر بحران کا مقابلہ کرنے کے لیے متحد ہوجائے۔بلاول بھٹو زرداری نے پنجاب میں سیلاب سے جاں بحق افراد کے ورثا سے اظہار افسوس کرتے ہوئے پارٹی کارکنوں اور عہدے داروں کو متاثرہ افراد کی مدد کی ہدایت کر دی۔
