شاہدرہ پر پانی کی سطح بلند،وزیراعلیٰ پنجاب موقع پر موجود

اس سے قبل وزیراعلیٰ مریم نواز وزیراعظم شہباز شریف کے ہمراہ فضائی دورے کے ذریعے بھی سیلاب سے متاثرہ علاقوں کا جائزہ لے چکی ہیں، جہاں انہیں ریسکیو آپریشن اور متاثرہ علاقوں کی صورتحال سے آگاہ کیا گیا۔

دریائے راوی میں شاہدرہ پر پانی کی سطح میں مسلسل اضافہ ہو رہا ہے اور بہاؤ ایک لاکھ 74 ہزار کیوسک سے تجاوز کر چکا ہے۔ جسڑ اور بلوکی کے مقامات پر بھی اونچے درجے کا سیلاب جاری ہے۔

دریائے چناب میں قادرآباد کے مقام پر انتہائی اونچے درجے کا سیلاب ریکارڈ کیا گیا تاہم یہاں پانی کے بہاؤ میں کمی آنا شروع ہوگئی ہے اور بہاؤ 9 لاکھ 1 ہزار 500 کیوسک تک کم ہوا ہے۔ خانکی پر بھی اسی نوعیت کی صورتحال ہے جہاں بہاؤ 7 لاکھ 22 ہزار کیوسک رہ گیا ہے۔