دوسراون ڈے،ویسٹ انڈیز نے پاکستان کوشکست دے دی

ڈک ورتھ لوئس میتھڈ کے تحت ویسٹ انڈیز کو جیت کیلئے 35 اوورز میں 181 رنز کا ہدف ملا جو انہوں نے 5 وکٹوں کے نقصان پر حاصل کرلیا۔ ردر فورڈ 45، شائے ہوپ 32 اورروسٹن چیس نے 49 رنز کی شاندار اننگز کھیلی۔
بارش کی 2 بار مداخلت کے باعث میچ کو پہلے 40 اوورز تک محدود کردیا گیا ، تیسری مرتبہ بارش شروع ہوئی تو اس وقت پاکستان کا سکور37 اوورز میں 7 وکٹوں کے نقصان پر171 رنزتھا۔بعدازاں ڈک ورتھ لوئس میتھڈ کے تحت ویسٹ انڈیز کو 35 اوورز میں 181 رنز کا ہدف ملا۔

صائم ایوب31 گیندوں پر 23 رنز بنا کر آئوٹ ہوئے جبکہ بابر اعظم کھاتہ کھولے بغیر پویلین لوٹ گئے۔عبداللہ شفیق نے 40 گیندوں پر 26 رنز کی اننگز کھیلی۔

کپتان محمد رضوان 38 گیندوں پر 16 رنز بنا کر آئوٹ ہوئے، حسین طلعت 32 گیندوں پر 31 رنز بنا پائے،سلمان آغا نے 18 گیندوں پر 9 رنز کی اننگز کھیلی۔

محمد نواز 24 گیندوں پر 5 رنز بنا کر آئوٹ ہوئے ، حسن نواز 30 گیندوں پر 36 رنز اور شاہین شاہ آفریدی 7 گیندوں پر 11 رنز بنا کر ناٹ آئوٹ رہے،ویسٹ انڈیز کے جیڈن سیلز نے 23 رنز دیکر3کھلاڑیوں کو آؤٹ کیا۔