کرک،دہشتگردوں کی ایف سی کی گاڑی پر فائرنگ،4 اہلکار شہید
کرک میں دہشتگردوں نے ایف سی کی گاڑی پر فائرنگ کر کے 4 اہلکاروں کو شہید کر دیا۔
کرک کےعلاقے امان کوٹ توے میں تھانہ گرگری کی حدود میں ایف سی اہلکار فیلڈ سکیورٹی کی ڈیوٹی پر مامور تھے کہ پہاڑ کی چوٹی پر گھات لگائے مسلح افراد نے اچانک حملہ کر دیا جس کے نتیجے میں 4 اہلکار شہید ہو گئے۔
ڈی پی او کرک شہباز الہٰی کے مطابق شہداء کا تعلق لکی مروت اور ٹانک سے بتایا جا رہا ہے، واقعے کے فوراً بعد سکیورٹی فورسز اور پولیس نے علاقے کو گھیرے میں لیکر حملہ آوروں کی تلاش کیلئے آپریشن شروع کر دیا۔
