حماس کا اسرائیل سے جنگ بندی پر اتفاق-حماس کا کہنا ہے اب جنگ بندی کا دار و مدار اسرائیل پر ہے۔
عرب میڈیا کے مطابق حماس نے مجوزہ جنگ بندی معاہدے پر دستخط کر کے دستاویز ثالثی فریقوں کے حوالے کر دی۔
واضح رہے کہ ثالثی فریقوں نے جنگ بندی تجویز کے چند شقوں میں تبدیلی کیلئے حماس پر زور دیا تھا۔
یہ بھی پڑھیں:۔جماعتِ اسلامی کا کےپی حکومت کی اے پی سی میں شرکت کا اعلان
دوسری جانب اسرائیلی محاصرے کے باعث غزہ میں غذائی قلت شدت اختیار کر گئی، ایک روز میں بھوک سے 4 بچوں سمیت 15 فلسطینی انتقال کرگئے۔
اسرائیلی جنگ کے آغاز سے اب تک غذائی قلت سے اموات 80 بچوں سمیت 100 سے زائد ہوگئی ہیں۔ اقوام متحدہ نے صورتحال کو ہولناک انسانی بحران قرار دے دیا۔
امدادی تنظیم اُنروا کا کہنا ہے اردن، مصر کراسنگ پر ہزاروں ٹن امدادی سامان موجود ہے، اسرائیل دروازے کھولے، امداد غزہ میں جانے دے۔
یہ بھی پڑھیں:۔کراچی: خاتون کے ہاں 5 بچوں کی پیدائش، 2 انتقال کرگئے
اسرائیلی فوج کی غزہ پر بمباری بھی جاری ہے، کل سے اب تک امداد کے منتظر 34 افراد سمیت 100 سے زائد فلسطینی شہید ہوگئے۔
حماس نے جنگ بندی تجاویز پر رضامندی ظاہر کردی، مجوزہ جنگ بندی معاہدے پر دستخط کرکے ثالثی فریقوں کے حوالے کر دیا، حماس کا کہنا ہے اب جنگ بندی کا دارومدار اسرائیل پر ہے۔
