پی ٹی آئی کے 4 ناراض امیدوار سینٹ الیکشن سے دستبردار

خیبر پختونخوا میں پی ٹی آئی کے 5 ناراض امیدواروں میں سے 4 امیدوار سینیٹ الیکشن سے دستبردار ہو گئے تاہم خرم ذیشان نے دستبردار ہونے سے انکارکر دیا۔

وقاص اورکزئی اور ارشاد حسین نے سینیٹ الیکشن سے دستبردار ہونے کا اعلان کیا جس کے بعد عرفان سلیم اورعائشہ بانو نے بھی کاغذات نامزدگی واپس لینے کا فیصلہ کیا۔

عرفان سلیم نے ویڈیو پیغام میں کہا کہ ہمیں بانی پی ٹی آئی کا ہر فیصلہ منظور ہے، عائشہ بانو نے کہا بانی پی ٹی آئی کے حکم پر ہمیشہ لبیک کہا۔

ارشاد حسین کا کہنا تھا کہ پارٹی فیصلے کو ذاتی مفاد پر ترجیح دی، وقاص اورکزئی نے کہا سیٹ وقتی، نظریہ ہمیشہ قائم رہتا ہے اور ہم نظریے کے ساتھ ہیں۔