پنجاب میں دفعہ 144 نافذ

اس پابندی کا محکمۂ داخلہ پنجاب نے نوٹیفکیشن جاری کر دیا ہے جس کے مطابق دفعہ 144 کے تحت گلیوں، سڑکوں، کھلی جگہوں یا عوامی مقامات پر بارش کے جمع شدہ پانی میں نہانے پر بھی پابندی عائد کی گئی ہے۔

محکمۂ داخلہ پنجاب کے نوٹیفکیشن کے مطابق ڈیموں، دریاؤں، نہروں، تالابوں، جھیلوں میں بلا اجازت کشتی چلانے پر بھی پابندی عائد کر دی گئی ہے۔

نوٹیفکیشن کے مطابق ان تمام پابندیوں کا اطلاق 30 اگست تک ہو گا، پابندی موسمی حالات کے تناظر میں قیمتی انسانی جانوں کی حفاظت کے لیے لگائی گئی ہے۔