ہزار گنجی میں بم دھماکا،3 خواتین زخمی

پولیس کے مطابق دھماکے میں ایک سے ڈیڑھ کلو گرام تک دھماکا خیز مواد استعمال کیا گیا، اور اسے ریموٹ کنٹرول ڈیوائس کے ذریعے اڑایا گیا۔

یہ بھی پڑھیں:۔قلات میں مسافر کوچ پر فائرنگ سے 3 مسافر جاں بحق

دھماکے کے بعد سیکیورٹی فورسز اور پولیس کی بھاری نفری نے موقع پر پہنچ کر علاقے کو گھیرے میں لے لیا، اور شواہد اکٹھے کرنے کا عمل شروع کر دیا گیا ہے۔

یہ بھی پڑھیں:۔ دہشتگردوں نے ہمیں کس بات کی سزا دی؟

بم ڈسپوزل اسکواڈ نے موقع پر سرچ آپریشن شروع کر دیا ہے جبکہ کاؤنٹر ٹیررازم ڈیپارٹمنٹ (سی ٹی ڈی) کے حکام بھی جائے وقوعہ پر موجود ہیں اور مزید تحقیقات جاری ہیں۔

ابتدائی اطلاعات کے مطابق دھماکے کا ہدف واضح نہیں ہو سکا، تاہم قانون نافذ کرنے والے ادارے تمام پہلوؤں سے واقعے کی جانچ کر رہے ہیں۔