مظفرآباد میں غیرت کے نام پر قتل
آزاد کشمیر کے دارالحکومت مظفرآباد میں میاں بیوی کو گھر میں گھس کر قتل کیے جانے کا واقعہ پیش آیا ہے۔
پولیس رپورٹ کے مطابق یہ واقعہ بدھ کی صبح ساڑھے پانچ بجے دولت کالونی، اپر چھتر میں پیش آیا جب مقتولہ آمنہ بی بی کے سابق شوہر آفتاب احمد خان کے چھوٹے بھائی شہباز احمد خان (ساکن چمنکوٹلی نواب خان حال سنڈگلی، زیرتعلیم راولپنڈی) نے گھر میں داخل ہو کر پستول سے فائرنگ کر کے میاں بیوی کو قتل کر دیا اور فرار ہو گیا۔
یہ بھی پڑھیں:۔ژوب میں 9 مسافروں کے قتل کا مقدمہ درج کرلیا گیا
آمنہ بی بی کی 14 سالہ بیٹی آنسہ نے پولیس کو بتایا کہ ان کے والد آفتاب احمد خان گزشتہ برس انتقال کر گئے تھے جبکہ والدہ نے گزشتہ ماہ احتشام قریشی سے دوسری شادی کر لی تھی۔
یہ بھی پڑھیں:۔سردار فہیم قتل کیس کا معمہ چند روز میں حل
تھانہ سیکریٹریٹ کے ایس ایچ او جاوید گوہر کے مطابق مفرور قاتل کی گرفتاری کے لیے پولیس متحرک ہے جبکہ دونوں میاں بیوی کے نعشیں پوسٹ مارٹم کے لیے سی ایم ایچ منتقل کر دی گئی ہیں۔
پولیس نے اپنی رپورٹ میں شبہ ظاہر کیا ہے کہ قتل کی بظاہر وجہ مقتولہ کی دوسری شادی ہے۔
