رانا ثنا اللہ کی مولانا فضل الرحمان سے ملاقات

رانا ثنا اللہ کی مولانا فضل الرحمان سے ملاقات-مستقبل کے سیاسی لائحہ عمل پر تفصیلی مشاورت کی گئی۔

وزیر اعظم کے مشیر برائے بین الصوبائی رابطہ رانا ثنا اللہ کی قیادت میں مسلم لیگ (ن) کے وفد نے جمعیت علمائے اسلام (ف) کے سربراہ مولانا فضل الرحمان سے ان کی رہائشگاہ پر وفود کی سطح پر تفصیلی ملاقات کی۔بدھ کو وزارت امور کشمیر و سیفران کی جانب سے جاری بیان کے مطابق مسلم لیگ(ن)کے وفد میں وفاقی وزیر امور کشمیر و سیفران و صدر پاکستان مسلم لیگ (ن)خیبرپختونخوا انجینئر امیر مقام اور صوبائی جنرل سیکریٹری مرتضی جاوید عباسی شامل تھے۔جے یو آئی کے وفد میں سابق وزیراعلی خیبرپختونخوا اکرم خان درانی، مولانا لطف الرحمان، سینیٹر کامران مرتضی، سینیٹر مولانا عطا الرحمان اور مولانا اسعد محمود شریک ہوئے۔ملاقات میں موجودہ ملکی سیاسی صورتحال پر تبادلہ خیال کیا گیا اور مستقبل کے سیاسی لائحہ عمل پر تفصیلی مشاورت کی گئی۔