خودکشی کرنے والی لڑکی کو ترمٹھیاں کے نوجوانوں نے بچا لیا

تفصیلات کے مطابق آج سرکل بکوٹ کے تاریخی مقام اور پاکستان کشمیر کے حسین سنگم کوہالہ پرانے پل کے پاس سے ایک نوجوان لڑکی نے دریا میں کود کر خود کشی کی کوشش کی مگر موقع پر موجود ترمٹھیاں کے دو دلیر نوجوانوں ( ھمزہ سلیم ولد سلیم سکنہ باسیاں مقیم ترمٹھیاں اور ببلی ولد ظہراب سکنہ ترمٹھیاں) نے اپنی جان پر کھیل کر دوشیزہ کو دریا کی بے رحم موجوں کا نوالہ بننے سے بچا لیا اور اسے بحفاظت پولیس چوکی گجر کوہالہ کے اہلکاروں کے حوالے کیا۔

نوجوان ھمزہ سلیم جو پیشے کے اعتبار سے ڈرائیور ہیں اور کیری ڈبہ چلاتے ہیں، انہوں نے اس لڑکی کی جان بچانے کے لیے گہری کھائی میں چھلانگ لگا دی اور لڑکی کو بپھرے ہوئے دریا میں مکمل طور پر ڈوبنے سے بچالیا۔
ببلی ولد ظہراب جو پیشے کے لحاظ سے چوکیدار ہیں اور ترمٹھیاں بازار کی چوکیداری پر مامور ہیں نے بھی لڑکی کو ریسکیو کرنے میں ان کی بھرپور معاونت کی۔