راولپنڈی میں افسوسناک واقعہ،3 بچے ڈوب کر جاں بحق

راولپنڈی کی تحصیل کلر سیداں میں نالے میں ڈوبنے سے 3 بچے جاں بحق ہو گئے۔ بچوں کی نعشیں نکال کر اسپتال منتقل کردی گئیں۔

بچوں کے ڈوبنے کا افسوس ناک واقعہ چوآ خلصہ ٹاکل روڈ پر پیش آیا، جاں بحق بچوں میں دس سالہ عثمان ، نو سالہ طیبہ اور چھ سالہ حمزہ شامل ہیں۔

ریسکیو ترجمان کے مطابق جاں بحق بچوں میں عثمان اور طیبہ بہن بھائی ہیں، ترجمان ریسکیو نے بتایا کہ تینوں بچوں کی لاشیں نکال کرلواحقین کے حوالے کر دی گئیں ہیں۔