ایران کا جوہری ہتھیار بنانے کا کوئی ارادہ نہیں،ایرانی صدر

ایرانی صدر مسعود پزشکیان نے کہا ہے کہ ہمارا جوہری ہتھیار بنانے کا کوئی ارادہ نہیں ہے۔

ایک بیان میں ایرانی صدر نے کہا کہ ایران جوہری توانائی کے حصول اور تحقیق کے حق سے دستبردار نہیں ہوگا۔

ایرانی صدر نے مزید کہا کہ سپریم لیڈر آیت اللّٰہ علی خامنہ ای نے بھی وسیع تباہی کے ہتھیار بنانے سے منع کیا ہے۔

چند روز قبل مسعود پزشکیان نے واضح الفاظ میں کہا تھا کہ اسرائیلی حملے جاری رہے تو ایران کا ردعمل شدید اور فیصلہ کن ہوگا۔

انہوں نے یہ بھی کہا تھا کہ ایرانی فوج نے اب تک دشمن کو بھرپور اور بہت ہی مناسب جوابی ردِعمل دیا ہے۔