اسرائیلی فوج کا ایران کے سرکاری ٹی وی کی عمارت پر حملہ

ایرانی میڈیا کا کہنا ہے کہ حملوں میں ایران کے سرکاری ٹی وی چینل کی عمارت کو نشانہ بنایا گیا، سرکاری چینل کے متعدد کارکنوں کی شہادتوں کی اطلاع ہے۔

https://x.com/IR_Urdu/status/1934632560929411343

عرب میڈیا کے مطابق اسرائیل نے حیفا ریفائنری پر ایرانی حملے میں 3 ہلاکتوں کا اعلان کردیا، ایران نے اتوار کے روز حیفا کی تیل ریفائنری کو میزائلوں سے نشانہ بنایا تھا۔

اس سے قبل اسرائیلی وزیراعظم بن یامین نیتن یاہو کا کہنا تھا کہ وہ تہران میں بڑی کارروائی کرنے جارہے ہیں۔

عرب میڈیا رپورٹس کے مطابق اسرائیلی وزیراعظم کا کہنا تھا کہ ہمارے جنگی طیاروں کا تہران کی فضاؤں پر راج ہے۔

ان کا کہنا تھا کہ اسرائیل تہران میں 2 اہم اہداف کا خاتمہ کرنے جارہا ہے، ہماری کارروائی بڑی ہوگی۔