ایران اسرائیل جنگ پر پاکستان سے منسوب بیان فیک نیوز نکلا

پاکستان نے ایرانی جھنڈے اور پاکستانی پرچم کی تصویر کے ساتھ جاری بیان کو فیک نیوز قرار دے دیا۔

سفارتی ذرائع کے مطابق پاکستان سے منسوب ایران اور اسرائیل جنگ سے متعلق سوشل میڈیا بیان جعلی ہے۔

ذرائع کے مطابق پاکستان سے منسوب ایران کی حمایت جوہری ردِعمل کے بیان میں کوئی صداقت نہیں۔

سفارتی ذرائع کے مطابق پاکستان کے امریکا کو اسرائیل کے خلاف ردِعمل سے آگاہ کرنے کا بیان بھی بے بنیاد ہے۔

ذرائع کے مطابق جعلی بیان میں پاکستانی فوج کے ایران کے ساتھ جنگ میں شمولیت کی بات بھی غلط ہے۔