بجٹ 2025-26،کھیلوں کے فروغ کیلئےبڑے پیمانے پر فنڈز مختص

بجٹ 2025-26،کھیلوں کے فروغ کیلئےبڑے پیمانے پر فنڈز مختص-250 منی سپورٹس کمپلیکس کی تعمیر کے لیے 30 ملین روپے مختص کیے گئے

وفاقی بجٹ 2025-26 میں کھیلوں کے فروغ اور بنیادی ڈھانچے کی بہتری کے لیے خاطر خواہ رقم مختص کی گئی ہے۔بجٹ میں کھیلوں سے متعلق متعدد منصوبوں کے لیے فنڈز شامل ہیں جن کا مقصد قومی کھیلوں کو ترقی دینا اور کھلاڑیوں کو بہتر سہولیات فراہم کرنا ہے۔بجٹ کے مطابق ملک بھر میں 250 منی سپورٹس کمپلیکس کی تعمیر کے لیے 30 ملین روپے مختص کیے گئے ہیں۔نیشنل گیمز کے انعقاد کے لیے 150 ملین روپے رکھے گئے ہیں جبکہ پاکستان سپورٹس کمپلیکس کے انفراسٹرکچر کی بہتری کے لیے 103 ملین روپے، بائیو مکینیکل لیب کے قیام کے لیے 120 ملین روپے، غیر ملکی کوچز کی خدمات حاصل کرنے کے لیے 100 ملین روپے اور کراچی میں کھیلوں کی سہولیات کی ترقی کے لیے 98 ملین روپے مختص کیے گئے ہیں۔اس کے علاوہ، نیشنل سپورٹس یونیورسٹی کے لیے 63.72 کروڑ روپے اور نیشنل سینٹر آف سپورٹس سائنس اینڈ ریسرچ کے لیے 10 کروڑ روپے مختص کیے گئے ہیں۔بجٹ میں قومی ٹیموں، تربیتی کیمپوں، کھلاڑیوں کے لیے بنیادی ڈھانچے، اور دیگر اہم اقدامات کے لیے بھی فنڈز شامل ہیں