سپریم کورٹ آزاد کشمیر نے ڈسٹرکٹ جج معطل کردیا

سپریم کورٹ نے اپنے فیصلے میں کہا کہ راجہ امتیاز احمد نے بطور سپیشل جج عدالت امتناع منشیات حویلی ملزم کی بریت کا حکم جاری کیا ہے جس کے خلاف اپیل ہائی کورٹ میں زیر سماعت ہے۔ ایک ڈسٹرکٹ جج کی جانب سے عدالت ہذاکے فیصلے کی صریح خلاف ورزی اور عدالتی وقار کم کرنا توہین عدالت کا باعث ہے جبکہ سیشن جج کی جانب سے عدالت ہذا کے روبرو کذب بیانی اور دروغ گوئی عدالتی مس کنڈکٹ ہے۔ راجہ امتیاز احمد کی معطلی کا حکم آج ہی پیش کیا جائے۔ مزید برآں ایسے تمام مقدمات جن میں راجہ امتیاز احمد نے اپنے عرصہ تعیناتی مظفرآباد، پلندری اور حویلی میں فیصلے صادر کئے ہیں ان کی تفصیل، نقول اور ان مقدمات کی آوٹ کم کے بارہ میں تفصیلی رپورٹ عدالت ہٰذا میں پیش کرے۔ سپریم کورٹ نے راجہ امتیاز احمد کو توہین عدالت کا نوٹس جاری کرتے ہوئے حکم دیا ہے کہ وہ سپریم کورٹ کے روبرو کذب بیانی اور دروغ گوئی کی وجہ بتائیں اور وضاحت کریں کہ سپریم کورٹ کے واضح احکامات کی خلاف ورزی کیوں کی گئی ہے