ہماری شہادت کی آرزوزندگی سے زیادہ ہے،ڈی جی آئی ایس پی آر

چائنہ میڈیا گروپ کو خصوصی انٹرویو دیتے ہو ئے ڈی جی آئی ایس پی آرلیفٹیننٹ جنرل احمد شریف چوہدری نے کہا کہ دنیا کو بہت سے مسائل کا سامنا ہے، کیا ایسے میں ایک ملک دوسرے ملک پر بلاجوازاور بغیر ثبوت چڑھ دوڑے، دہشتگردی کا مقصد ہی ترقی کو روکنا ہے۔

ڈی جی آئی ایس پی آر نے مزید کہا کہ لوگوں کی خوشحالی ہمیشہ امن و استحکام سے آتی ہے، ہماری پہلی ترجیح امن ہے، آج پاکستان میں دیکھیں تو لوگ فتح نہیں امن کی خوشی مناتے نظر آئینگے، ہم اللہ کے بعد سب سے زیادہ اپنے آپ پر انحصار کرتے ہیں،جب ہم اپنا مضبوط عزم دکھاتے ہیں تو پھر بین الاقوامی کمیونٹی بھی کردار ادا کرتی ہے۔

انہوں نے کہا کہ چاہے کسی نے نیلی، سفید یا خاکی وردی پہن رکھی ہے شہادت ہمارے لئے اعزاز ہے، پاکستان اور چین دنیا میں دو ذمہ دار ملک ہیں,پاکستان اور چین دونوں کی پہلی ترجیح لوگوں کی فلاح و بہبود ہے .